Ferð á vegum hópsins 11. - 15. ágúst 2015.
Fararstjórar: Hópmeðlimir.
Bílstjórar með trússkerruna hans Guðmundar: Guðmundur V. og Tryggvi.
Fyrirkomulag: Keyrt á einkabílum upp í Landmannalaugar. Gist þar eina nótt. Keyrt daginn eftir niður á Hellu þar sem rúta var tekin upp að Álftavatni þar sem var gist aðra nótt. Þaðan gengið í Emstrur á einum degi og svo í Þórsmörk á öðrum degi. Gist í skálum FÍ á þessum stöðum og og genginn Tindfjallahringur síðasta daginn áður en kvöldrútan var tekin niður að Hellu aftur.
Þriðjudagur 11.ágúst:
Liðlega helmingur hópsins hittist í morgunkaffi í Seiðakvísl 38 þar sem strengir voru samstilltir.
Reykjavík - Hveragerði (verslað) - Hrauneyjar (kaffi úti í náttúrunni) - Landmannalaugar.
Beislið á kerrunni brotnaði við Ljótapoll þannig að Guðmundur, Helgi, Tryggvi og Sölvi fóru í leiðangur niður að Búrfelli að láta laga kerruna. Aðrir grilluðu kvöldmat í Laugum, fóru í kvöldgöngu í yndislegu veðri upp að hverasvæðinu og niður Grænagil. Heitt bað í lauginni fyrir svefninn.
Miðvikudagur 12. ágúst:
Landmannalaugar - Hella. Hittum restina af hópnum á Hellu. Tókum rútu þar öll saman upp í Álftavatn vegna slæmrar veðurspár (í staðinn fyrir að ganga frá Laugum í Álftavatn). Fyrsta haustlægðin á leiðinni. Yfirgáfum Landmannalaugar í yndislegu veðri árla morguns. Veðrið versnaði er leið á daginn og var orðið slæmt í Álftavatni. Allt í kaosi þar því skálinn var fullur af tjaldfólki sem hafði þurft að fella tjöldin og leita vars í skálanum. Við komumst samt fyrir og höfðum það huggulegt. Nokkrir fóru í gönguferð í roki og rigningu. Betra veður um kvöldið. Kvöldganga í fínu veðri niður að Álftavatni eftir frábæra laxaveislu.
Fimmtudagur 13. ágúst:
Álftavatn - Emstrur. Gengum í nokkuð blautu veðri en ágætu skyggni frá Álftavatni niður í Emstrur. Óðum Brattholtskvísl og síðar Bláfjallakvísl (sem Tryggvi trússari dagsins aðstoðaði aðeins með). Kósýheit í tveimur skálum í Emstrum þar sem börn fylltu annan og fullorðnir hinn. Stúlkurnar komu með tvo sæta spænska stráka upp á arminn í kvöldmatinn (kvöldmatur = Chili con carne) og komu þeir með í kvöldgöngu að Markarfljótsgljúfrunum.
Föstudagur 14. ágúst:
Emstrur - Þórsmörk. Veðrið batnaði og batnaði er leið á daginn og við gengum inn í grænna og grænna landslag. Gangan gekk vel með góðum nestispásum. Óðum Þröngána við Þórsmörk eins og ekkert væri enda ekki mikið í ánum. Gistum í Skagfjörðsskála í Langadal og snæddum grillaða stórborgara um kvöldið. Sölvi átti stórleik með skemmtiatriði kvöldsins.
Laugardagur 15. ágúst:
Hættum við að ganga yfir Fimmvörðuháls vegna leiðinlegrar veðurspár og héldum okkur í góða veðrinu í Þórsmörk. Gengum Tindfjallahringinn sem var nokkuð krefjandi. Birta tapaði bakpokanum sínum fyrir björg en allir komu heilir og glaðir heim. Fengum að sitja inni á meðan við hinkruðum eftir rútunni. Tókum rútu úr Þórsmörk á Hellu um átta leytið um kvöldið. Kveðjustund á Hellu sem endaði með flugeldasýningu (Töðugjöld að klárast í bænum).
Frábær ferð að venju.
Þátttakendur:
Helgi, Þórunn og Hrafnhildur. Hugrún bættist við í Þórsmörk.
Þórlaug, Gummi, Fanney og Salka.
Maddý, Philippe, Svanur og Sóley.
Bogga, Tryggvi, Þórdís og Ragnheiður.
Marta, Guðmundur og Valur.
Eiríkur, Snorri og Vala.
Marjolein og Halldór.
Sölvi, Ingibjörg, Birta og Embla.
Ragga, Guðbrandur, Gríma, Dagur og Mirra.
